chichoà en barraqueta

lo jòc das libres

2011-01-17T12:56:00.003+01:00

Ne me passejant sul bloguitge vegère que d'unes s'amusavon a mostrar sos libres. Coma m'an mostrar la lor (de bibilioteca*) ieu mostre la mieuna (sabe, aquò fa bartàs de la reira cor d'escòla mairala...)

mangem a l'alh!

2010-11-01T22:31:00.002+01:00

"Manca d’aiet, vous avèngue jamai, mis enfant. Sias jouine; rapelas-vous qu’un bon pacan prouvençau dèu toujour avé uno o dos tèsto d’aiet dins soun sa.

Sias pres pèr lou tèms, arrivas dins un mas o dins uno cabano; demandas que vous meton un toupin d’aigo au fiò; vous fasès douna un brout de sàuvi, escrachas un paréu de cabosso d’aiet; e, sènso trop destourba voste mounde, avès uno bono soupo.

Sias en plano, en plen terraire; avès fam, mancas de fricot; fretas voste pan emé d’aiet, e manjas e bevès, coume d’ome. Ah! l’aiet! fau jamai n’en manca, d’aiet. L’aiet fai fuge li serp, lis escroupioun, lis estiragno; l’aiet tuio li verme, li vermenoun qu’avèn dins lou cor; escavarto li vènt d’estouma; l’aiet es lou sauvan de l’ome.

Manjas d’aiet, mis enfant, manjas-n’en coume voste paire, e vous aproumete que vendrés coume la pasto vèn au levame."

Baptisto Bonnet, vido d'enfant

changez vous la vie, aprenez à lire

2010-10-19T20:15:00.003+01:00

le premier numero de licence h est disponible en ligne

http://www.calameo.com/read/000403340ce0529aa011d

la seguida dau chivau de....

2010-05-11T14:22:00.001+01:00

Vaquí la seguida

un d'akos doblidat

2010-05-10T15:28:00.003+01:00

aviáu, dins l'amira d'una vulgarizacion de l'òbra de Bodon cap a un public jove començat a realizar aquel trabalh. Dins sos contes bodon nos balha un imatge d'una realitat rurala, que nos poiriá semblar passada. Mai de que cambia entre la morala d'aquel conte e la de Sam (sabètz lo que mèna e que beu pas que d'aiga...). L'ai pas encara acabat aquel conte-foto, mai o mete coma aquò per me forçar de l'acabar.

Zydeco

2010-04-30T09:13:00.005+01:00

Amic(ga) te vau parlar d'un estila de musica que me daissèt sul cuol: Lo Zydeco. Descubrère aquela musica a l'asard sus un mecat a las nièras. Aqueu genre musicau es estat apareissut dins las annadas 30 en Loisiana. Ten son influencia de las musicas Acadiena e Ritme e Blava o buhel en setòri (Rhythm & Blues qué!!) a la debuta èra cantat pas qu'en francés mai pauc a cha pauc lo Creol intrèt dins las paraulas d'aquela musica. Lo nom de ZIDECO vendriá de la deformacion de ZARICO que vendriá d'un tròç tradicionau « Les haricots sont pas salés » (las mongetas son pas saladas)

L'instrument màger d'aquela musica es l'acordeon, acompanhat per la "Wash-board" o "Frotoir" coma o dison en loisiana qu'es en fach una plancha de bugada que se jòga amb de dedals a cada dets. Mai pòt tanben estre acompanhat per de pianò, bassa, guitara, tambor....

L'artista que descobrère primièr se ditz Clifton Chenier que canta en Francés Creol e Anglés atanben.

Dimenge passat per lo pus grand das asards passère davans la salla montpelhieròta L'Antirovilh (en francimand l'antirouille) ont se jogava de zydeco. Vaquí una video dau grop lo BANDZYDECO

Simon de Montbourg

2010-02-08T15:14:00.005+01:00

Pel primièr cop de ma vida crompère la "gazette de Montpeeueueullier". Siáu estat pertocat per la primièra pagina ont i aviá un Freche qu'auriá poscut sortir tot drech d'una enluminadura de la cançon de la crosada ( parle dau segond tome). Ai pas aquí la fotò mai vos promete de la metre lèu lèu.
La gazeta dau Clapà$ es remirable per son objectivitat jornalistica e a l'encòp per sa coneissença de l'Istòria d'Occitania

Francament pendent quauques segondas ai agut de patiment per Jòrdi. Patiment que m'es passat un còp mas bralhas remontadas e lo jornau pausat au costat dau cagador....

De bon anar

2010-02-08T14:38:00.004+01:00

Lo 10 de Febrièr a 7 oras au bar "le Chat-pitre" -barri de las Bèlas Arts au Clapàs-

Serada parla la Lenga

E lo 17 de Febrièr lo Med'oc organiza un concèrt das bèls amb

Du Bartas

e

Le Peuple de l'Orb

Aquò se dabanarà a l'ostau das Estudiants de la facultat a la Sala Joan Molin tre 8 oras

Vaqui per l'actualitat Montpelhieròta

Per çò qu'es de l'actualitat setòria podètz gaitar sul site de Melà

2010-02-05T11:07:00.014+01:00

La seguida de mon adaptacion en roman dau conte de bodon en roman-fotos liure de dreches de venir lèu-lèu

segond episòdi:

Ai pas trapat de fotos que m'inspiravan per aquela partida; benlèu per un autre còp.....:

Al Carrelièr un aigaci lor tombèt
dessús. Tronava e liuçava, e de pluèja, e de pluèja a ferradats.
Nòstres galavards s’abriguèron benlèu mai d’una ora darrièr la glèisa contra la paret. En
aval pels travèrses, Viaur bramava que se deviá conflar.
La tronada passèt. Lo cèl s’esclarciguèt qualque briat. Entremièg las nivols un retalh de
luna vièlha sortiguèt lo nas.

Vaqui es tot per uòi

La Multi Ani

2010-01-29T11:43:00.003+01:00

Profièche das darrièrs jorns de genièr per desirar una bona anada als tòtis que legisson mon blòg. T'insulte pas amic legeire, mai me pause una question: se passas de temps per legir de conariás es que (benlèu) siás un pauc colhon tanben.
M'agradan pas tròp totas aquelas istòrias de votz e de bonas resolucions. Alara ne prendrai qu'un còp Caramentrant cremat (au fach un blog de bon agachar: dimarsgras sus blogspot).

"Espere que 2010 serà l'anada de la fin de la fan e de las guèrras.."

a a a a

petat de rire..

Ieu çò que sabe es que dins la memòria collectiva 2010 semblarà mai pièger que 2009 e a l'encòp mens pièger que 2011. "Era mièlhs abans" coma o ditz lo provèrbi.

Alara per-de-qué la "multi ani"? Per qué es un mot Romanés que desira a l'encòp una bona anada, un bon aniversari e quora chimam per de dire "Santat!" que se pòt dire encara "noroc" -in my whiskey darling- Aladonc existís un fum de cançon de Multi Ani, e vist la mieuna compreneson dau romanés saupère jamai destriar l'eveniment motiu de la cançon....

Vaqui una version non identificada mai simpatica

Encara mai fòrt que lo repais de barri de Mauresca

antoine le setois

2009-12-15T11:25:00.002+01:00

an aquesta passa siáu d'a fons amb youtube. Vese aquela plataforma coma s'èra "lo papà noel" (si si "noel" e non pas nadal). Ièr me balhèt un present remirable: lo cacha-morre de Massimo Tartaglia!! Quin eroï!! Ara vos mòstre un resson dau darrièr article de Melà

Osca !!!!

2009-12-14T14:43:00.001+01:00

La seguida de la seguida de la seguida de la debuta

2009-12-07T15:38:00.002+01:00

Rai ièr ai ben desconejat amb aquela pichòta istòria de cap-redactor e de roman fotò. En fach passère la jornada a beure de cafe. E ère coma un nèrvi davant l'ordenador ( ensaje de remplaçar, dins mon còr, la Maria-Joana verda per la roge). Ara siáu de me demandar, se vau balhar una seguida an-aquela istòria d'inspiracion alterbiografica. O benlèu de li metre un fin coma aquò sens esplicas. Te fariá una mena de "tilt". L'istòria a la primièra persona d'un tip sens non. Era l'istòria d'un gari qu'aguèt pas cap d'istòria.

seguida dau romancefoto

2009-12-06T14:49:00.008+01:00

episòdi precedent

Quin conàs aquel director de redaccion. Aviá refusat la preposicion de mon collèga e ara se trapam dins la mèrda... Bon ara nos demòra 2 oras e mièja per far lo daquòs.

Se siam mes au trabalh:

responsa a la dòna Melà

2009-12-06T14:35:00.003+01:00

Per estre mai polit a'cha me aquò:

l'istòria a pas encara començada!! 2 partida

2009-12-06T11:29:00.009+01:00

Avètz mancat la debuta. es aquí

-Far plaser de veire un pauc d'onestetat dins aquel burèu. Balharetz mas amistats a vòstre paire -qu'es au cèu de l'estat-. E per vosautres dos, afanatz vos de faire quicòm. Coma de costuma un daquòs per la femna de l'ostau, un concentrat de totas las emocion umana: rires, plors, amors, suspicions, traïson, reconciliacion e maridatge!

-Justament aviáu pensat a l'istòria d'un òme que n'enamora d'una autre mascle. Alara se far femna per se lo faire. Mai un jorn qu'es a segre l'elegit de son còr, lo vei intrar -dins una nuòch de las negras- au dedins de la gàbias dels rits d'un zoo-escambista. Gaitas un pauc, Ò cap-redactor!. Aquela istòria ornitofila serà una primièra dins l'istòria dau nòstre jornau! De mai regantarem tota la populacion de las femnas qu'esperan lo retorn de son galant d'ornitològ

Es per aquò que l'aime ben aquel con d'Agrid. Se pòt pas dire qu'es un òme traïnat el. A totjorn responsa a tot. Mai me demande ben çò que li far venir tant imaginatíu.

seguida aqui

las istòrias d'amors començan....

2009-12-06T10:19:00.008+01:00

Lo cap redactor rintrèt velòçament dins çò que nos servissiá de burèu. Una pèça de las 4 parets, amb una pòrta e una fenèstra. Arribèt de per mon esquina e lo vegère pas brica:

"-que fasètz? Encara sus un siti de "customizacion" de peteta confladissa! L'acamp de boclatge es dins 3 oras... Vos espere amb las vòstras 3 paginas de roman fòtos.

- .... .... .... tot es quitament prest, las vos pòde pas mostrar aquí que...

- Que los fichièrs "jempega" son de se far cambiar per lo logiciau en "aicrompatdemèl", diguèt mon assistant fotogaf coma lo rei d'Aragon quand anèt ajudar lo Raimon contra lo marrit Simon.

L'aime ben aquel d'aquí. Un omenàs que sembla a Agrid de Harry Poter mai amb un gost per l'erbeta mai desenvolopat que lo pelut d'anglés.

-E vira ben aquel logiciau nòu?

-E ben son pas encara estat installat diguèt l'Autre. L'Autre èra lo filh de quauqun... Quauqu'un de talament important que quand arribèt amb son C.V l'agachèron pas. L'Autre èra aquí sonque per-qué son paire n'aviá son confle de mandar totas las polícias de França a la cerca de son escotèr a cada còp que s'o fasiá panar. E aquel burèu èra lo mai pròcha de l'ostau pairenau...

la seguida aquí

Osca Man òsca

2009-11-26T23:05:00.005+01:00

manifestacion a la palhada

2009-11-20T11:58:00.009+01:00

Deman es a dire lo dissabte 21 de novembre i aurà a la palhada una manifestacion de sosten as sens papièrs. Trentalhèssetz pas de li anar que i a mantunas rasons de i èstre present:
-Es una manifestacion de sosten per d'èssers umans. (si, si ai verificat toquère las popas d'una turca e me siàu pres un d'aqueles cacha-morre... Doncas mema sensa papièrs una pissa-freja demòra una pissa-freja)
-Nautres (que los avèm) caudriá pas doblidar que li a gaire èran nòstras gents qu'èran dins la meteissa situacion. E mai tus zebulòn

Zedess : Le reggae de Sarko (2007)
envoyé par tartenpion333. - Regardez plus de clips, en HD !

desencusatz me mai ai pas mai de temps per vos explicar perqué vos fau venir. Mai venètz

l'aurelha sensa òbras, mòrta es

2009-10-26T20:57:00.002+01:00

Divendres que ven anarai au concert das Brassens Not's Dead. Son nombroses los que dison qu'es de merda e que te chaplan lo paure «tonton Georges». Ieu vos dise que los fau pas escotar an aqueles. Demòre a 50 metras de l'ostau natalenc de B. Aquò vos fa una bèla gamba, non?? Rai, (coma diriá lou capoulièr de la fila d'anchoio), ont ne siáu?

Tot aquò per vos dire «chers lecteurs» que l'autre jorn ère a cosinar la granda especialitat Setòria das fins de meses que començan lo 10 es a dire «lepatàlaiga», ou en version zupìena «lepatares». Se coneissètz pas la recepta daissatz un comentari sus aqueu blòg, siáu segur l'autor fará un article sus aquela especialitat dau trepador «setoy». Coma ère sol, metère la musica un pauc forteta. Cantave coma un falord «les imbeciles heureux qui sont nés quelque part».Quora l'aiga de la caçairòla se metèt a vessar. Levère lèu-lèu, lo «sant graal» de la gastronomia, de l'agaza pel pausat,,, mai ont? I aviá pas cap de plaça dins la cosina. Au cap d'un chifratge long dau temps que te fau per te brutlar la man causiguère de la metre pel sòu.

Quant tornère per barar l'agaza que vegère a l'entorn dau fogal... d'aiga. Mai l'aiga espandida aquí sus la cosinièra dessenhava lo retrach de Brassens. Se me cresètz pas, me creiretz quant vos dirai que mema la santa pipa èra apareguda.

Per clavar:

1) Escotar de Brassens not's dead en fasent la coisina te far tornar viure lo Georges.

2) Alara merda als mauparlants e sachètz que Bransens not's dead!!

Brassen's not dead à Sete
envoyé par ahoraqui. -

Smoke screen

2009-10-19T14:45:00.001+01:00

Coneissètz la tecnica dau "smoke screen"? Pòt semblar a la d'un "toreador" que se servís de sa capa per amagar la sieuna espasa e aitau de melhor plantar lo tòro. E ben nautres estudiants marcham coma aquò. Sota la crida de l'unef un fum d'estudiants se son acampar per exigir lo retorn das bon vièlhs ragantatges. Per los que sont pas a l'universitat clapassenca "Pauc Val" vos vau explicar. An remplaçat los ragantatges per un autre sistem dich de la "segonda chança"... a la gròssa tot lo mond pòt tornar passar sos exams e causir la melhora nòta entre las doas sesilhas. Lo problemàs èra que l'estudiant podiá pas coneisser las sieunas nòtas abans aquela segonda sesilha. Alara mobilisacion de las grandarassas, bandairòlas, crits, cants... òu! Quin vam revolucionari!! Fin finala an capitat (o puslèu o vòlon creire). Los estudiants auràn drech de saupre las lors nòtas avans de passar "la segonda chança"...
S'avètz capitat de me legir fins ara anatz comprene per de que vos parlave de "smoke screen". L'estudiant sindicat o amic de l'unef crei qu'a ben resistit contra aquela fac que reprodusís las inegalitats socialas e que gràcia a la sieuna granda victòria de la "segonda chança" sos confraires van profiechar avançada sociala de las grandas. Mai sap pas que la sieuna universitat se far colaborairitz de la politica en terma d'immigracion dau govèrn. En efièch per qu'un estudiant estrangièr posque aver son permés de sejorn, deu balhar un certificat d'escolaritat a la "pòrcfectura"*. Mai per l'aver, aquel certificat, li fau mostrar son permés de sejorn lo jorn de son inscripcion.... Doncas lo tip es condemnat a un vira vai t'en permanent entra las diferentas administracions, un ceucle viciós qué! Aquí i a ben quicòm que truca. L'universitat es tenguda per pas cap de lei per far aquò. A lo drech e lo dever de verificar l'identitat de lo que ven s'incriure, mai pas lo d'exigir sa "regularitat" per l'inscriure...
E quand sabèm totes los problèmas de los que son pas "regularizats" (que m'enràbia aquel mot, coma se l'èsser uman poiriá èstre regularisat...), es a dire impossibilitat d'accès a la caf,la seguritat sociala, de far denóncia en cas d'agression, la paur das contraròtlas de polícia e mai l'incapacitat psicologic a se posque fargar de projèctes dins l'avenidor (e òc quant te pòs faire escampar d'un jorn a l'autre... enfin m'as compres)....E ben se vos dise, qu' ai ben enveja de li racar dessuta an aquela fac, es sonque per que tene de mon bachilierat en Scienças Economicas lo don de l'autocensura.
Tant que vira fai de torns an ganhat la lor batesta (l'unef), e avèm de polits locaus per se segar associativament. Me l'as totjorn dich Melà "julien siás un brandaire"

*cf: l'Agaza de V.Gelu

qu'un tron de dieu lo cure!!!

2009-10-13T10:10:00.000+01:00

Les Olivensteins son un grop de punk francés de Roan formats en 1978. Au despiòch d'una carrièra de las cortas, marquèron l'istòria amb un 45 torns de 3 titras (Fier de ne rien faire, Euthanasie, Je suis négatif.) . Son nom ven dau psicanalista Claude Olievenstein (que se trachava das problèmas das toxicomans). Trapant pas cap de labèl, subissent de pression das Entresenhas Generalas e dau mètge Olievenstein, que faguèt anullar un de lors concert a Paris, lo grop decidís de se separar en genièr de 1980.

Podetz trapar lor disca en descargament sus aquesta site

Qual es aquel?

2009-10-12T21:22:00.000+01:00

Un jorn aurai las meteissas mostachas qu'el... un jorn

l'aiga a la pila

2009-10-12T13:52:00.000+01:00

Per començar aqueste blòg, vos voliáu faire un compta rendut de la caminada que se debanèt au Ventorn. Aviáu tot preparat : aparelh fotò, quasernet de quasi de jornalista e mai un credon amb "l'aponcha a credon". Dins l'aparelh li aviá ges de pilas, dins la mala de la veitura la mieuna saca es demorada la dimenjada tota. Lo quasernet, lo credon e son "aponchador" èran dins la saca. Fin finala vos ne parlarai pas estant que vos trufatz ben de la mieuna vida privada... (se ne volètz ne saupre mai, podètz participar a la soscripcion pel Dvd de la caminada).