lundi 1 novembre 2010

mangem a l'alh!

"Manca d’aiet, vous avèngue jamai, mis enfant. Sias jouine; rapelas-vous qu’un bon pacan prouvençau dèu toujour avé uno o dos tèsto d’aiet dins soun sa.

Sias pres pèr lou tèms, arrivas dins un mas o dins uno cabano; demandas que vous meton un toupin d’aigo au fiò; vous fasès douna un brout de sàuvi, escrachas un paréu de cabosso d’aiet; e, sènso trop destourba voste mounde, avès uno bono soupo.

Sias en plano, en plen terraire; avès fam, mancas de fricot; fretas voste pan emé d’aiet, e manjas e bevès, coume d’ome. Ah! l’aiet! fau jamai n’en manca, d’aiet. L’aiet fai fuge li serp, lis escroupioun, lis estiragno; l’aiet tuio li verme, li vermenoun qu’avèn dins lou cor; escavarto li vènt d’estouma; l’aiet es lou sauvan de l’ome.

Manjas d’aiet, mis enfant, manjas-n’en coume voste paire, e vous aproumete que vendrés coume la pasto vèn au levame."

Baptisto Bonnet, vido d'enfant



1 commentaire:

  1. Vesi que soi pas lo sol de ragantar las lecturas per la Marrida-J. ^^

    RépondreSupprimer